Krijuesi i serialit të njohur “Peaky Blinders”, Steven Knight, është zgjedhur për të shkruar skenarin e filmit të ardhshëm të James Bond, i cili do të drejtohet nga regjisori i famshëm Denis Villeneuve.
Projekti do të realizohet nga studioja Amazon MGM, ndërsa prodhuesit kryesorë do të jenë Amy Pascal dhe David Heyman, me Tanya Lapointe si producente ekzekutive.
Knight është një skenarist dhe autor i suksesshëm, i njohur për krijimin e serialeve si “See”, “A Thousand Blows” dhe “All the Light We Cannot See”.
Ai ka shkruar gjithashtu skenarët e filmave të nominuar për Oscar, si “Eastern Promises” dhe “Spencer”, ndërsa në kinematografi ka debutuar si regjisor me projektet “Hummingbird”, “Locke” dhe “Serenity”.
Filmi i 26-të i James Bond pritet të publikohet në vitin 2028, ndërsa studioja po vazhdon përzgjedhjen e aktorit që do të marrë stafetën nga Daniel Craig në rolin ikonik të agjentit 007.
