Konsumoi vetëm proteina për dy javë, çfarë ndodhi me adoleshenten nga Kina?

Një 16‑vjeçare nga provinca Hunan në Kinë pothuajse humbi jetën, pasi ndoqi një dietë ekstreme për dy javë. E identifikuar si Mei, ajo konsumoi vetëm sasi të vogla perimesh dhe përdori laksativë në përpjekje për t’u përshtatur në një fustan të ditëlindjes së saj. Gjendja e saj u rëndua papritur: filloi të humbiste forcë dhe ndjeu vështirësi në frymëmarrje. Mjekët e çuan në spital dhe bënë një ndërhyrje emergjente që zgjati 12 orë për t’i shpëtuar jetën.

Analizat zbuluan një rënie drastike të nivelit të kaliumit në gjak (hipokalemi serioze), që çoi në dobësi muskulore dhe probleme të frymëmarrjes. Mjeku Peng Min nga Spitali Popullor i Hunanit njoftoi se kjo gjendje mund të shkaktojë dështim respirator dhe arrest të papritur kardiak. Një mjek tjetër shtoi se dieta e balancuar dhe dehidratimi mund të ulin ndjeshëm nivelin e kaliumit.

Dr.Peng rekomandoi konsumin e patateve, bananeve dhe pulës, si dhe pirjen e ujit për të ruajtur nivele adekuate të kaliumit në trup. Mei është shëruar plotësisht. Ajo premtoi se kurrë më nuk do të përdorë metoda ekstreme për humbje peshe. Ndërkaq, vitin e kaluar, një burrë 26‑vjeçar u shtrua në spital për hipokalemi pasi përdori agjërim të alternuar dhe ushtrime të rënda. Një grua 38‑vjeçare gjithashtu përfundoi në spital për helmim me ujë pasi konsumoi 4 litra ujë të kripur menjëherë sipas udhëzimeve online.