Halle Berry dëshmon edhe një herë se mosha është thjesht një numër. Aktorja 58-vjeçare ka tërhequr vëmendjen e mediave dhe rrjeteve sociale me disa foto të publikuara këtë javë nga Kalifornia, ku shihet e veshur me një rrobë banje bardh e zi me stil retro dhe një kapelë të madhe të zezë, duke reflektuar elegancën dhe hijeshinë që e karakterizon prej vitesh.
Në përshkrimin që shoqëronte fotografitë, Berry shkroi:
Ditët e shkretëtirës, dritaret ulur, muzika lart, askund tjetër përveçse këtu
Edhe pse nuk është bërë e ditur me kë ishte në këtë udhëtim, aktorja është parë shpesh gjatë këtij viti në shoqërinë e partnerit të saj, muzikantit Van Hunt.
Gjatë një interviste të fundit në emisionin “Today”, në rubrikën “Jenna & Friends”, Halle Berry foli hapur për jetën e saj personale dhe lidhjen me Van.
Ajo zbuloi se ai i ka propozuar për martesë, por se ende nuk ka dhënë një përgjigje përfundimtare.
Kam qenë e martuar tri herë. Nuk ndjejmë se duhet të martohemi për të vërtetuar dashurinë tonë. Por ndoshta, një ditë, do ta bëjmë thjesht sepse duam ta shprehim dashurinë në atë mënyrë
-tha Berry me sinqeritet.
Nga ana tjetër, Van Hunt – i cili ka qenë i martuar më parë – konfirmoi me humor se propozimi i tij “mbetet në ajër”, ndërsa Berry qeshi duke shtuar se “të gjithë miqtë janë të lumtur” për lidhjen e tyre.
Aktorja ka dy fëmijë nga lidhjet e mëparshme: vajzën 17-vjeçare Nahla me modelin Gabriel Aubry dhe djalin 11-vjeçar Maceo me aktorin Olivier Martinez. Edhe Van Hunt është baba i një djali nga një marrëdhënie e mëhershme.
Paraqitja dhe qëndrimi pozitiv i Halle Berry po vazhdojnë të frymëzojnë fansat e saj në mbarë botën, duke dëshmuar se jeta dhe dashuria nuk kanë kufij moshe.
