Në një intervistë të rrallë, Rob Kardashian ka treguar arsyet që e shtynë të largohej nga reality show-t familjarë dhe të qëndrojë larg kamerave, ndryshe nga pjesa tjetër e familjes së famshme.
Gjatë një bisede telefonike me motrën e tij, Khloé Kardashian, në episodin më të fundit të podcastit “Khloé in Wonder Land”, Rob u shpreh se vendimi për t’u tërhequr nga televizoni nuk kishte të bënte me askënd tjetër, përveç vetes së tij:
Ka të bëjë vetëm me veten time. Nuk dua të filmoj dhe ta vendos veten në një pozicion ku nuk ndihem rehat. Nuk ndihem rehat me veten time, kështu që pse do të doja të dilja para kamerës dhe t’i lejoja njerëzit të hynin në jetën time, kur kjo nuk është ajo që dua të bëj?
Pavarësisht se ishte pjesë e serialit “Keeping Up With the Kardashians” për 13 sezonet e para, Rob vendosi të largohet për të ruajtur mirëqenien e tij mendore dhe emocionale. Ai theksoi se të xhirosh çdo aspekt të jetës nuk është për të gjithë:
Të xhirosh dhe të bësh gjithçka që është e mundur nuk është për të gjithë. Unë zgjedh lumturinë dhe paqen time në vend të xhirimit për dikë që nuk bën asgjë për mua apo për jetën time.
Rob shtoi se nuk ka asnjë konflikt me motrat dhe vëllezërit e tij – Kim, Kourtney, Khloé, Kendall dhe Kylie – dhe se mund të shfaqet herë pas here në ndonjë episod të “The Kardashians”, por vetëm nëse ndjehet mirë me veten.
Më pëlqen të jem pranë familjes time. Nëse një moment është pozitiv, natyral dhe unë ndihem mirë, atëherë jam i hapur për të xhiruar. Por në përgjithësi, jam një njeri shtëpiak dhe thjesht preferoj qetësinë time.
Rob Kardashian u tërhoq nga seriali në vitin 2017 dhe nuk është shfaqur rregullisht që atëherë. Reality show legjendar “Keeping Up With the Kardashians” përfundoi në vitin 2021 pas 20 sezonesh në rrjetin E!, ndërsa familja ka vazhduar me serialin “The Kardashians” në Hulu.
