Ish-banorja e Big Brother VIP Albania, Efi Dhedhes, është përballur së fundmi me një koment provokues në rrjetet sociale, i cili ka nxitur reagime të shumta në internet.
Një ndjekëse e akuzoi atë publikisht, duke e përfshirë mes vajzave të njohura që, sipas saj, frekuentojnë të dënuar për krime të rënda në ambiente burgimi.
Komenti, i cili përmbante gjuhë fyese dhe insinuata të rënda, nuk mbeti pa përgjigje. Efi reagoi me ironi, duke shkruar:
Ça thua më vërtetë? Turp të kem?
Megjithatë, replika nuk u ndal me kaq. E njëjta ndjekëse vijoi me një koment edhe më të ashpër, duke e akuzuar Efin për “favorizim seksual ndaj të burgosurve” dhe duke i kërkuar të “mos shesë moral” në rrjete sociale.
Komentet vijnë në një kohë kur në media dhe rrjetet sociale po përflitet për praninë e disa personazheve të njohur në ambientet e burgjeve, në kuadër të të ashtuquajturave “takime speciale” me të dënuar për krime të rënda.
Pavarësisht provokimeve, Efi zgjodhi të mos e vazhdojë më tej debatin dhe nuk ka dhënë deklarata të mëtejshme mbi çështjen, ndërsa ndjekësit janë ndarë mes mbështetjes për të dhe kritikave të ashpra ndaj pretendimeve të komentueseve.
