NETFLIX ka publikuar në kanalet e tij sociale teaser-in e parë të mini-serisë britanike politike triler me titull Hostage, ku në rol kryesor është Suranne Jones (e njohur nga Gentleman Jack, Doctor Foster). Jones nuk ka vetëm rolin kryesor në këtë mini-seri, por është edhe një nga producentet e ardhshme të kësaj serie triler.
Ngjarja bazohet në skenarin e Matt Charman-it (Bridge of Spies, Treason, Killer Heat), dhe fokusohet te kryeministrja britanike Abigail Dalton. Sipas përshkrimit zyrtar të serisë:
“Kur burri i kryeministres britanike rrëmbehet dhe presidenti francez është objekt i shantazhit, të dy përballen me vendime të pamundura. Të detyruar në një rivalitet të ashpër, ku janë në rrezik edhe karrierat e tyre politike dhe jetët, ata duhet të përpiqen të bashkëpunojnë për të zbuluar një komplot që i kërcënon të dy.”
Përveç Suranne Jones, në mini-serinë që do të ketë gjithsej pesë episode, luajnë edhe Julie Delpy, Corey Mylchreest, Lucian Msamati, Ashley Thomas, James Cosmo, Martin McCann dhe Jehnny Beth.
Reagimet e shikuesve ndaj paralajmërimit
Mini-seria do të ketë premierën në Netflix më 21 gusht, dhe shumë prej tyre tashmë mezi po presin të shohin se çfarë i pret në të gjitha episodet e serisë.
“Sapo pashë se kush është aktorja kryesore, e dija që do ta shikoja,”
“Zgjedhje fantastike për aktoren kryesore, e adhuroj Suranne Jones!”
“Duket shumë e tensionuar, ashtu si duhet të jetë një triler politik, bravo Netflix,”
“Më në fund nuk na treguan gjithçka në trailer, kjo seri edhe duket mirë,” – janë disa nga komentet.
