Streep janë ribashkuar në setin e filmit të shumëpritur “The Devil Wears Prada 2”, i cili ka nisur xhirimet në New York City. Hathaway, tashmë 42 vjeçe, rikthehet në rolin e Andy Sachs, ndërsa Streep (76) përsërit figurën ikonike të Miranda Priestly.
Filmi do të dalë në kinema në maj të vitit 2026, pikërisht 20 vite pas premierës së parë që u bë një sukses kult, raporton “Daily Mail”.
Të enjten, të dyja aktoret u panë duke dalë nga xhirimet, të shoqëruara nga aktorë të rinj si Simone Ashley, Pauline Chalamet dhe Alexina Graham. Hathaway ishte veshur me një kostum krem elegant, ndërsa Streep spikati me një fund lëkure dhe pallto bezhë.
Disa prej skenave janë xhiruar në rrugët e qytetit gjatë muajit korrik, ku është vënë re një çantë me mbishkrimin “Punway” në duart e Hathaway – një detaj që sugjeron rikthimin e personazhit të saj në botën e modës.
Regjinë e vazhdimit do ta drejtojë sërish David Frankel, ndërsa kasti origjinal do të përfshijë edhe rikthimin e Emily Blunt dhe Stanley Tucci. Ndër emrat e rinj që i bashkohen projektit janë Lucy Liu, Kenneth Branagh, BJ Novak dhe Justin Theroux.
