Ndërsa rrjetet sociale dhe mediat rozë vijojnë të jenë të zëna me zërat rreth një romance të mundshme mes Xhensila Myrtezajt dhe Ledri Vulës, duket se edhe Bes Kallaku po shkruan një kapitull të ri në jetën e tij personale.
Pas përfundimit të procedurave të divorcit dhe rikthimit në projekte artistike e sipërmarrëse, aktori është përfolur për një lidhje të re dashurie.
Sipas burimeve pranë tij, Besi duket më i qetë dhe i përqendruar tek vetja dhe e ardhmja. Ndonëse nuk ka asnjë deklaratë publike apo konfirmim zyrtar, burime të afërta përmendin se zemra e tij mund të jetë zënë sërish – këtë herë nga një vajzë që nuk është pjesë e botës së showbiz-it.
Ky ndryshim, nga një marrëdhënie publike me një këngëtare të njohur si Xhensila, në një lidhje të mundshme me një person anonim, shihet si një sinjal se Besi dëshiron të ruajë më shumë privatësinë në jetën e tij personale.
Në rrjetet sociale, ai vijon të mbajë një imazh profesional, duke ndarë me ndjekësit momente nga karriera e tij dhe roli si prind, pa lënë asnjë të dhënë për një marrëdhënie të re.
A është kjo një histori serioze apo thjesht një fazë e njohjes? Kjo mbetet për t’u parë.
Por ajo që duket qartë është se Besi po ecën përpara, me një qasje më të kujdesshme dhe larg vëmendjes mediatike që dikur e shoqëronte çdo hap të tij në jetën sentimentale.
