Kylie Jenner ka tërhequr vëmendjen e rrjeteve sociale pas publikimit të disa fotografive nga fushata e saj më e fundit për koleksionin “Vjeshtë 2025” të markës Miu Miu.
Megjithëse ylli i reality show-t “The Kardashians” shfaqet me veshje elegante në një ambient minimalist, reagimet nuk kanë qenë të gjitha pozitive.
Disa përdorues në platformën Reddit e kanë cilësuar setin fotografik si “i mërzitshëm” dhe “i çuditshëm”, duke kritikuar shprehjen e fytyrës së Kylie-t, e cila u konsiderua nga ndjekësit si “pa jetë” dhe “shumë e ftohtë”. Të tjerë, megjithatë, e përgëzuan për ndryshimin e imazhit dhe distancimin nga paraqitjet e saj më të mëparshme me natyrë më të theksuar seksuale.
Është mirë që po largohet nga imazhi i tepërt seksual, por ky nuk është seti i saj më i mirë
-shkroi një komentues, sipas “DailyMail”.
Në këtë fushatë, Jenner shfaqet me disa kombinime veshjesh luksoze, përfshirë një xhaketë jeshile të errët me fund të përshtatur, shall me push, mokasina të zeza dhe një bluzë të bardhë pa mëngë.
Në një tjetër pamje, ajo mban veshur një xhaketë sateni të zezë, pantallona gri dhe një korset të kuq të kombinuar me këmishë.
Krahas modës, Kylie po angazhohet edhe me projekte të tjera. Ajo ka lansuar një koleksion të ri rrobash banje në bashkëpunim me Frankies Bikinis, si dhe një produkt të ri kozmetik nga marka e saj, Kylie Cosmetics.
Së fundmi, Jenner kaloi disa ditë pushimi në Greqi me fëmijët e saj. Në rrjetet sociale qarkulloi një video e ëmbël me vajzën e saj Stormi, ndërsa fansat kanë nisur të spekulojnë se partneri i saj, aktori Timothée Chalamet, mund ta ketë shoqëruar në këtë udhëtim në mënyrë diskrete.
