Në kërkim të një mënyre të thjeshtë, natyrale dhe efektive për të pasur buzë të buta dhe të shëndetshme? Një trajtim i bërë në kushte shtëpie, me vetëm dy përbërës, po rezulton të jetë një nga alternativat më të preferuara në rrjetet sociale dhe nga ekspertët e bukurisë.
Gjatë stinëve të ftohta, apo edhe në ditë të zakonshme me konsum të ulët të ujit, buzët shpesh bëhen të thata, plasariten dhe humbasin shkëlqimin e tyre natyral.
Por një përzierje e thjeshtë me kafe të bluar dhe mjaltë mund të rikthejë menjëherë freskinë dhe butësinë e tyre.
Kafeja e bluar funksionon si një eksfoliant natyral, duke larguar qelizat e vdekura dhe duke stimuluar qarkullimin e gjakut në zonën e buzëve – çka i jep atyre një ngjyrë më të thellë dhe një pamje më të gjallë.
Ndërkohë, mjalti është një hidratues i fuqishëm që ushqen lëkurën dhe ndihmon në rigjenerimin e saj. Ai ka gjithashtu veti antibakteriale, duke ofruar një shtresë mbrojtëse natyrale.
Si ta përgatisni trajtimin në shtëpi?
Përbërësit që ju duhen janë:
-½ lugë çaji kafe e bluar (idealisht organike)
– ½ lugë çaji mjaltë natyral
Përziejini përbërësit derisa të formohet një pastë homogjene. Aplikojeni pastën mbi buzë me lëvizje të buta rrethore për rreth 30 deri në 60 sekonda. Më pas, shpëlajini me ujë të vakët dhe aplikoni një balsam natyral ose pak vaj kokosi për të ruajtur hidratimin.
Sa shpesh mund ta përdorni këtë trajtim?
Rekomandohet përdorimi i këtij trajtimi 1-2 herë në javë. Për rezultate më të mira, pini mjaftueshëm ujë çdo ditë dhe shmangni lëpirjen e buzëve, pasi kjo i than akoma më shumë.
Nëse dëshironi edhe një ndjesi freskie, mund t’i shtoni një pikë vaj esencial menteje ose limoni.
Ky trajtim i thjeshtë, ekonomik dhe efektiv është një mënyrë perfekte për të kujdesur për bukurinë natyrale të buzëve, pa pasur nevojë për produkte të kushtueshme apo të mbushura me kimikate.
