gjyrat nuk janë thjesht element estetik. Ato krijojnë gjallëri, frymëzim dhe një ndjesi të veçantë në çdo cep të botës. E ndërsa qytetet me ngjyra neutrale mund të kenë sharmin e tyre, si ndërtesat art-deco në Londër, është e pamohueshme që një shpërthim ngjyrash sjell në jetë çdo peizazh.
Pikërisht këtë ka synuar të vërtetojë edhe një analizë e re nga studio krijuese Berlew, që ka renditur 125 prej destinacioneve më të njohura turistike sipas atyre që e quajnë “diversitet kromatik” dhe “intensitet ngjyrash”.
Përmes teknologjisë së vizionit kompjuterik, janë analizuar imazhe me rezolucion të lartë të shkrepura nga fotografë për të identifikuar pesë ngjyrat dominuese në çdo destinacion. Rezultati: 625 paleta ngjyrash dhe një renditje mbresëlënëse e vendeve më shumëngjyrëshe në botë.
Në krye të listës pozicionohet Burano, ishulli i vogël pranë Venecias që duket sikur është zhytur në një gotë me bojëra uji, me shtëpi të lyera me blu, të kuqe, të gjelbër e të verdhë, nga dritaret deri te dyert dhe grilat. Chefchaouen në Marok dhe Guatapé në Kolumbi renditen pas tij.
Dhjetë destinacionet më shumëngjyrëshe në botë:
BURANO, Itali
Ky ishull piktoresk në lagunën e Venecias është një shpërthim ngjyrash në çdo rrugicë. Shtëpitë shumëngjyrëshe janë kthyer në simbol të qytetit dhe një destinacion i preferuar për turistët që vizitojnë Venecian.
CHEFCHAOUEN, Marok
I njohur si “qyteti blu”, Chefchaouen të mahnit me rrugët me kalldrëm dhe fasadat në nuanca të ndryshme të blusë, që dhurojnë një ndjesi qetësie e freskie.
GUAUATAPE, Kolumbi
Një qytet i vogël por shumë i dashur për fasadat e dekoruara me murale dhe motive tradicionale. Çdo cep i Guatapé-së është një kartolinë.
WILLEMSTAD, Curaçao
Kryeqyteti kolonial i ishullit të Karaibeve tërheq me arkitekturën holandeze të lyer në ngjyra pastel të ndezura rozë, portokalli, e gjebër e më shumë.
HAVANA, Kubë
Qyteti historik ofron një përzierje të arkitekturës koloniale dhe makinave retro me ngjyra të ndezura, si një skenë filmi.
CINQUE TERRE, Itali
Fshatrat bregdetarë të këtij rajoni janë të ndërtuar në shpate shkëmbore dhe çdo shtëpi duket sikur është një ngjyrë tjetër në paletën e piktorit.
BUENOS AIRES (La Boca), Argjentinë
Lagjja La Boca është një galeri e hapur arti, me ndërtesa të pikturuara me ngjyra të forta dhe një shpirt artistik që pulson në çdo rrugë.
JODHPUR, Indi
Njohur si “qyteti blu i Indisë”, Jodhpur është një labirint me ndërtesa blu të lehtë që bien në kontrast me shkretëtirën përreth.
SAN JUAN, Porto Riko
Qyteti i vjetër i San Juan-it është i njohur për rrugët me kalldrëm dhe ndërtesat koloniale me ngjyra plot gjallëri, që reflektojnë ritmin tropikal.
STAMBOLL (Balat), Turqi
Lagjja historike e Balat në Stamboll është kthyer në një atraksion për fotografë dhe vizitorë, me shtëpi shumëngjyrëshe, shumë shkallë dhe kafe të vogla tradicionale.
