Çmimet Emmy gjithmonë kanë një rëndësi shumë të madhe, ceremonia e këtij viti do që do të mbahet më 14 Shtator dhe mund të duket habi por Beyonce dhe partneri i saj Jay-Z do të përballen kokë më kokë me njëri-tjetrin. Mund të na shkonte në mendje se një betejë e tillë mund të ndodhte në “Grammy Awards” duke qenë se muzika është thelbi, por jo këtë herë po flasim për industrinë kinematografike dhe televizive.
Të dy ata do të përballen në kategorinë “Outstanding Variety Special” një kategori e cila ka lidhje me shfaqjen më të mirë muzikore ose komedi të regjistruar gjatë vitit. Bëhet e ditur se Beyoncé është nominuar për shfaqjen e saj të Netflix NFL Halftime, “Beyoncé Bowl” i cili u transmetua më 25 dhjetor të vitit 2024 që shënoi herën e parë që këngëtarja performoi këngë nga albumi i saj fitues i çmimit Grammy, “Cowboy Carter”, drejtpërdrejt. Ajo solli të ftuar specialë Shaboozey për të performuar hitin “Sweet Honey Buckiin” dhe Post Malone për “Levii’s Jeans”. Rikujtojmë se në shfaqjen e saj ishin të përfshirë edhe “Blackbiird”, “16 Carriages” dhe “Ya Ya”.
Ndërsa Jay-Z së bashku me Dave Free u nominiua për rolin e tij si producent ekzekutiv për Apple Music Super Bowl LIX Halftime Show me Kendrick Lamar në Caesars Superdome më 9 shkurt. SZA, Samuel L. Jackson, Serena Williams dhe producentja Mustard ishin gjithashtu pjesë e shfaqjes 13-minutëshe. Rikujtojmë se Jay-Z e ka marrë këtë çmim po në të njëjtën kategori në vitin 2022 për punën e tij në Apple Music Super Bowl LVI Halftime Show me protagonistë Dr. Dre, Snoop Dogg, Mary J. Blige, Eminem, Kendrick dhe 50 Cent.
Beyoncé dhe Jay-Z, të cilët janë të martuar që nga viti 2008, do të duhet të presin deri në shtator për të parë se kush del fitues. Megjithatë, dyshja nuk është e panjohur me ndarjen e momenteve historike gjatë sezonit të çmimeve.
