Që kur u bë monark në vitin 2022, Mbreti Charles ka bërë ndryshime të vogla, por domethënëse sa i përket jetës mbretërore. Nga zvogëlimi i listës së të ftuarve në kurorëzimin e tij, te ulja e temperaturës së ujit në pishinën e Buckingham Palace, 76-vjeçari ka treguar qartë një interes për ta bërë traditën pak më pak… tradicionale.
Rregulli i tij më i fundit? Një kod veshjeje që daton më shumë se një shekull më parë dhe lidhet me tenisin. Sipas The Times, Mbreti Charles ka “zbutur” kërkesën e vjetër që lojtarët në fushën private të tenisit në Buckingham Palace duhet të vishnin gjithmonë të bardha. Pavarësisht se veshja e bardhë ende “preferohet”, nuk është më e detyrueshme si për stafin apo mysafirët që luajnë në këtë fushë historike pas mureve të pallatit.
Fusha e tenisit në Buckingham Palace ka qenë pjesë e argëtimit mbretëror që nga viti 1919, kur u ndërtua gjatë mbretërimit të Mbretit George V. Megjithëse Mbreti Charles vetë nuk njihet për talentin në lojën e tij të tenisit, vendimi i tij për të zbutur rregullat pasqyron një ndryshim në mënyrën se si monarkia i qaset protokollit. Siç theksoi The Telegraph kur Charles uli temperaturën e pishinës vitin e kaluar për të kursyer energji edhe traditat e pallatit nuk janë të paprekshme nga logjika praktike. Ky ndryshim vjen gjithashtu në një kohë kur edhe Wimbledon-i, shpesh përmendur si shembulli më i rreptë i rregullave të veshjes në tenis, ka filluar të evoluojë. Në vitin 2022, turneu lejoi që gratë të vishnin pantallona të brendshme më të errëta një hap drejt rehatisë që u vlerësua gjerësisht.
