E keni prenotuar fluturimin, keni planifikuar itinerarin dhe mendërisht ndodheni tashmë në plazh. Vjen tani pyetja e përhershme para pushimeve: çfarë të marrësh me vete? Fatmirësisht, ekziston një formulë e sigurt që garanton një garderobë verore sa të hijshme aq edhe praktike. Qoftë për rërë, dallgë apo shezlongë me diell, këto janë elementët thelbësorë që duhet t’i keni në valixhen tuaj…
Fustani i lehtë veror
Fustani i ditës që bëhet i përsosur edhe për darkë, me pak mundim dhe shumë stil. Pëlhura ajrore, detajet që të bien në sy dhe prerjet që përshtaten me trupin janë çelësi. Fustani “Hedy” i markës Faithfull në ngjyrë pastel të verdhë (që është ngjyra e sezonit) me bust lino të mbledhur dhe fund të lehtë, është aq ideal sa do doni ta vishni çdo ditë të pushimeve. Për darka, shtoni bizhuteri të arta dhe aromën tuaj të preferuar. Nëse kërkoni diçka më të sofistikuar, Alaïa ofron një version elegant në ngjyrë të zezë me jakë halterneck dhe lidhje që theksojnë belin. Kombinojeni me sandale dhe bizhuteri skulpturore për netët buzë perëndimit.
Sandale vere
Nuk ka ndjesi më të mirë sesa rëra mes gishtërinjve, por një palë sandale elegante janë të domosdoshme kur nuk jeni në plazh. Zgjedhja ideale për pushime, por edhe për qytet, janë flip-flop-et ‘Melody’ nga Aeyde, të punuara nga lëkurë e certifikuar dhe pjesë e koleksionit NET SUSTAIN. Një alternativë artizanale janë sandalet ‘The Kigali’ nga Amanu, me detaje në ngjyrë ari dhe rripa minimalistë. Këto modele kërkojnë padyshim një pedikyr të freskët, mos harroni të rezervoni para fluturimit!
Çantë rafie
Çanta e plazhit mund të jetë aksesor praktik, por zgjedhja e duhur do ju shërbejë edhe pas pushimeve. Ne jemi të fiksuar pas çantave “basket”, dhe tote-i ‘The Bianca’ i Lié Studio nga rafie me vija është në krye të listës sonë të dëshirave. Praktike dhe elegante, ka hapësirë për peshqir ose batanije pikniku. Nga ana tjetër, çanta me qepje artizanale e Isabel Marant është perfekte për sendet thelbësore të pishinës dhe sjell frymën boho në veshjet tuaja.
Rroba banje një pjesëshe
E përsosur për ata që preferojnë më shumë mbulim gjatë banjove të diellit ose notit. Modeli minimalist ‘Pamela’ nga Hunza G është prej materialit të njohur Crinkle™ me jakë të hapur dhe rripa të hollë, shoqërojeni me një këmishë të gjerë dhe kapelë për ditët e qeta në plazh. Për stilistët maksimalistë, një zgjedhje perfekte është një rrobë banje nga Pucci me printin arkivor ‘Iride’ në nuanca oqeanike blu, një ëndërr për çdo dashnore të modës.
Mbulesa dhe veshje të lehta për plazh
Të dizajnuara për të kaluar pa përpjekje nga plazhi në drekë, mbulesat verore duhet të duken pa mundim, sepse janë. Zimmermann është mjeshtër i printimeve boho që të japin ndjesinë e verës pa pasur nevojë për shumë aksesorë. Po ashtu, Cristiano Marcheli ofron ngjyra dhe motive tropikale, si kaftani ‘Jane’ prej mëndafshi me stampa palmash dhe kuajsh. Për stil më minimalist, kërkoni modele nga James Perse, jumpsuit-i i tyre prej linoje është i frymëmarrshëm, elegant dhe i thjeshtë.
Bikinit
Koha perfekte për të investuar në një bikini të re (ose shtatë!) është vera. Nga koleksioni NET SUSTAIN, bikini dy-pjesësh në ngjyrë kafe nga Sara Cristina është prodhuar në Venezuelë nga materiale me ndikim të ulët mjedisor dhe ka prerje klasike. Pika e veçantë: një perlë baroke, shenjë identiteti e markës. Për glamour të vërtetë në pishinë, nuk ka gabim me një bikini me monogram nga Gucci, në formë trekëndëshi me detaje në ngjyrë ari që shkëlqejnë në dritë.
Syze dielli me stil
Jo vetëm që ofrojnë mbrojtje ndaj rrezeve UV, por syzet janë dhe pika e fundit që i jep klas çdo veshjeje verore. Modeli ‘Cecil’ nga Barton Perreira ka format D klasike dhe janë të përjetshme. Ndërsa Jacques Marie Mage sjell një version modern të syzeve aviator me modelin ‘Savoy’ të frymëzuar nga stili i viteve ’60. Dhe për vajzat “cool”, nuk ka si të mos përmendet modeli me kënd i Celine Eyewear, ikonë e modës verore.
Kapelë dielli
Përveçse e domosdoshme për të mbrojtur fytyrën nga dielli, kapela është një mënyrë e thjeshtë dhe e sofistikuar për të shtuar personalitet në veshjet tuaja të pushimeve. Nga NET SUSTAIN dhe në bashkëpunim me markën Artesano, kapela ‘Symbols of Pride’ nga Johanna Ortiz është punuar me dorë në Ekuador nga kashtë toquilla me brim të gjerë për efekt glamur. Për ditë eksplorimi, kapela “fisherman-style” nga Chloé në kanavacë pambuku është perfekte me rripa të rregullueshëm që mund ta mbani rreth qafës kur jeni në ambiente të brendshme.
