Ka disa ndërtesa vërtet të mrekullueshme në Indi, qofshin ato katedrale me detaje mahnitëse, muze me pamje futuriste apo biblioteka gotike, por asnjëra prej tyre nuk krahasohet plotësisht me bukurinë e Taj Mahal në Agra.
Time Out së fundmi ka publikuar një listë të re të 24 ndërtesave më të mrekullueshme të planetit, tetë prej të cilave janë në Europë, duke përfshirë Sagrada Familia dhe Bibliotekën e Trinity College të Irlandës. Do të gjeni gjithçka në listë, nga një muze në Nju Jork te një faltore në Zelandën e Re dhe një qendër komunitare në Ruandë, por trashëgimia, madhështia dhe frymëzimi tërheqës pas Taj Mahal është arsyeja pse ai është zgjedhur si numrin një.
Mendoni se keni bërë gjeste romantike në lidhjen tuaj që do të mbahen mend? Ka shumë të ngjarë që të mos keni asgjë sepse Shah Jahan, ish-Perandorin Mughal porositi ndërtimin e Taj Mahal në kujtim të gruas së tij të ndjerë.
U deshën 22 vjet që ndërtesa të përfundonte. Ndërtimi filloi në vitin 1632 dhe nuk përfundoi deri në vitin 1653, por duke pasur parasysh shkallën dhe dizajnin madhështor të ndërtesave, mund ta kuptoni pse. Mendohet se bukuria e ndërtesës ishte frymëzuar nga bukuria e saj dhe poeti anglez Sir Edwin Arnold thuhet se tha se pallati “nuk ishte një vepër arkitekturore, siç janë ndërtesat e tjera, por pasioni krenar i dashurisë së një perandori të farkëtuar në gurë të gjallë“.
Sot, Taj Mahali konsiderohet një kryevepër e arkitekturës indo-islamike, është një Vend i Trashëgimisë Botërore të UNESCO-s dhe mirëpret diku midis 7 dhe 8 milionë vizitorëve çdo vit.
