Po kërkoni një dhuratë dasme që do t’ju japë statusin e “dasmorit ose dasmores më të mirë” në sezonin e dasmave të vitit 2025? Më poshtë do t’ju ndihmojmë të zgjidhni dhuratën perfekte për çiftin e sapomartuar në jetën tuaj.
Mendo ‘jashtë kornizave’ dhe krijo
“Meqë njerëzit po martohen më vonë dhe pas disa viteve bashkëjetesë, ditët e dhuratave klasike si tostierë apo çajnik kanë marrë fund, shumica e çifteve kanë shtëpi të pajisura më mirë se kurrë me gjithçka” thotë Joey Germaine, blerës dhe kurator i dhuratave për dasma.
Pa u mbështetur te lista klasike e dhuratave, sot një person i ftuar në dasmë duhet vërtet të mendojë në mënyrë kreative për një dhuratë origjinale, por që gjithashtu përputhet me shijen dhe stilin e çiftit.
Zgjidhni diçka të përjetshme, por me një element të papritur
“Unë zakonisht preferoj dhurata që i rezistojnë kohës, objekte që çifti mund t’i mbajë në shtëpi për dekada me radhë,” shton Germaine.
Argjendaria ikonike e Christofle ështës zakonisht zgjedhja ime. Marka ofron opsione klasike dhe të sigurta, por unë preferoj të dhuroj atë luksin e papritur që dikush rrallëherë ia bën vetes, si setet për servirjen e kaviarit apo shkopinjtë e argjendtë për sushi (perfekt për një darkë të zakonshme gjatë javës që bëhet menjëherë më e veçantë).”
Për ata që janë te tradicionalja, zgjidhni diçka që mund të bëhet trashëgimi familjare
Nëse çifti ka një stil më klasik dhe sentimental, një objekt me vlerë të veçantë dhe me potencial për t’u trashëguar, si një orë muri artizanale, një set gotash kristali apo një batanije e punuar me dorë, është gjithmonë një zgjedhje e sigurt dhe me ndikim emocional. Këto janë dhurata që mbeten me çiftin për një jetë dhe ndoshta edhe për brezat që vijnë.
Zgjidhni diçka klasike por unike
“Për çiftet me shije më moderne, orientohuni drejt funksionalitetit por me një kthesë interesante,” sugjeron Ella Hoyle, ndihmës-blerëse.
Qoftë një çajnik i veshur me argjend dhe kuarc rozë nga Natalia Criado, apo një set kristali për backgammon nga Reflections Copenhagen, këto dhurata krijojnë kujtime që zgjasin dhe janë gjëra që çifti mund të mos i mendojë vetë për t’i blerë.”
Për një çift që ka prirje drejt së veçantës, do të sugjeroja filxhanët e çelikut në stilin ‘mid-century’ nga Louise Roe, krijimet surrealiste të Gohar World, ose gotat shumëngjyrëshe dhe të pazakonta nga Completedworks. Janë objekte që nisin menjëherë biseda.
Për Minchin, janë detajet argëtuese dhe surprizuese ato që e dallojnë një dhuratë.
Alighieri nga Rosh Mahtani e di si ta bëjë këtë me mjeshtëri. Një lugë e çuditshme ose një hapëse shishesh në formë gaforreje është fiks prekja finale që një dhuratë dasme ka nevojë për të qenë unike.
Jepini vetes kohë
“Rregulli im i vetëm është të marrësh kohë për të menduar vërtet mbi dhuratën sepse, në fund të fundit, është mendimi ai që ka më shumë rëndësi,” thotë Minchin.
Këshilla ime: mbaj shënime sa herë që miqtë përmendin ndonjë gjë që mund të jetë një ide e mirë për dhuratë. Pyet veten: Çfarë stili kanë dhe si reflektohet ai në shtëpinë e tyre? Mendo për këtë dhe lidhe me veten: Çfarë do të më gëzonte mua si një dhuratë me kuptim?
Vëzhgoni detajet për të kuptuar diçka
Ekziston gjithmonë një mënyrë e mirëmenduar për çdo situatë kur ty të duhet të bësh një dhuratë.
Shikoni ftesën e dasmës dhe interpretojeni sipas shijeve të çiftit. Mund të zgjidhni diçka që lidhet drejtpërdrejt me paletën e ngjyrave ose me stilin grafik të ftesës. Kjo është një qasje shumë personale ndaj një dhurate dhe një histori që do të kujtohet.
Zgjidhni diçka me të cilën nuk do të gaboni kurrë
“Çdo çift ka nevojë për një koleksion lojërash, qoftë për t’i përdorur në një mbrëmje me miq, apo edhe vetëm për t’i ekspozuar si objekte dizajni. Brunello Cucinelli dhe Ralph Lauren Home ofrojnë versionet më luksoze,” sugjeron Minchin.
Dhe nëse je në dyshim, një qiri i veçantë dhe i qëndrueshëm (veçanërisht ato të mëdhenjtë nga Diptyque apo Loewe) është gjithmonë një zgjedhje e sigurt.
Shtoni një element personal
“Një shënim i shkruar me dorë dhe i ndjerë, që e shoqëron dhuratën, do të jetë gjithmonë qershia mbi tortë, ajo që e bën dhuratën tuaj të paharrueshme,” përfundon Germaine.
