Apple pritet të zbulojë një iPhone të palosshëm vitin e ardhshëm dhe raportet e fundit sugjerojnë se smartfoni hyri në testimin e prototipit në qershor. Ky informacion bazohet në burime të zinxhirit të furnizimit, të cilat pretendojnë se Apple tashmë ka një prototip funksional të telefonit të saj të parë të palosshëm. Faza e testimit të prototipit pritet të zgjasë deri në fund të këtij viti, pas së cilës pajisja do të hyjë në fazën e Testit të Verifikimit Inxhinierik (EVT) dhe nëse gjithçka shkon sipas planit, telefoni inteligjent duhet të prezantohet së bashku me serinë iPhone 18 në shtator 2026.
Një raport i ri pohon se Apple ka ndaluar zhvillimin e iPad-it të palosshëm për shkak të vështirësive të ndryshme në prodhim dhe interesit të dobët të klientëve. Edhe pse nuk dihen shumë detaje për iPhone të palosshën, një gjë është e sigurt. Ai nuk do të jetë i lirë. Thashethemet sugjerojnë një çmim fillestar prej 2,100 deri në 2,300 dollarë.
Apple mund të ndryshojë diçka më tepër sesa vetëm dizajnin e kamerave në serinë e iPhone 17 Pro. Sipas burimeve të besueshme, logoja e Apple në pjesën e pasme do të zhvendoset. Në serinë 17 Pro, logoja e Apple do të vendoset më poshtë, ndërsa Apple po ndryshon edhe pozicionin e spirales së karikimit. Kjo do të jetë hera e parë që logoja ndryshon vend prej iPhone 11, serisë që solli pozicionin aktual të logos. Nuk ka informacione për momentin nëse iPhone 17 standard apo modelet Air do të kenë këtë ndryshim të logos.
Apple po përgatitet të prezantojë iPhone Fold, telefonin e saj të parë me ekran të palosshëm, që pritet të debutojë në vjeshtën e vitit 2026. Sipas burimeve nga 9to5mac dhe Digital Chat Station, pajisja është ende në fazë testimi, por disa karakteristika tashmë janë zbuluar. Ekrani i brendshëm do të jetë 7.58 inç, pak më i vogël se sa ishte parashikuar më parë. Telefoni do të ketë dy kamera prej 48 MP secila, ndoshta një lente të gjerë dhe një ultra të gjerë ose telefoto.
