Aktori i njohur i filmave aksion Vin Diesel i befasoi së fundmi fansat në festivalin Fuel Fest në Pomona të Kalifornisë, me informacione rreth episodit më të fundit të “Fast and Furious”. Në skenë, ai zbuloi tre kushtet e tij kryesore për xhirimin e episodit të fundit të serialit, të titulluar “Fast X Part 2”, i cili është planifikuar për prill 2027. Diesel mbante veshur një bluzë me mbishkrimin “Fast X Part 2 Los Angeles Production 2025” dhe tha se kishte kërkuar që filmi të zhvillohej përsëri në Los Angeles, për t’u përqendruar në kulturën e garave me makina dhe në rrugë, si dhe për të rikthyer personazhet e Dom dhe Brian O’Conner.
Ai theksoi rëndësinë e rikthimit te personazhi i Brian O’Conner, i cili u portretizua nga i ndjeri Paul Walker në serial. Paul Walker ndërroi jetë tragjikisht në vitin 2013 gjatë xhirimeve të filmit “Furious 7”. Pas vdekjes së tij, prodhimi u ndërpre përkohësisht derisa të vendosej se si të vazhdonte historia e personazhit të tij. Në skenat e fundit të atij filmi, Brian O’Conner tërhiqet nga aksioni dhe i përkushtohet familjes së tij, ndërsa për skena shtesë u përdorën vëllezërit e Paul, të cilët shërbyen si sozi dhe fytyra e Paul u shtua në mënyrë digjitale.
Deri më tani, personazhi i Brian nuk është shfaqur në vazhdimet pasuese, megjithëse herë pas here është përmendur si i gjallë. Njoftimet e Vin Diesel sugjerojnë mundësinë që pjesa e fundit e filmit të përdorë skena të papublikuara ose të riangazhojë Cody dhe Caleb Walker, vëllezërit e Paul. Ky veprim i ka entuziazmuar shumë fansa.
Ylli i Hollivudit, është paditur së fundmi për sulm seksual nga ish asistentja e tij Asta Jonasson. Ngjarja dyshohet se ka ndodhur në dhomën e një hoteli në Atlanta, ku aktori po xhironte filmin “Fast & Furious 5” në vitin 2010. Në ankesën e paraqitur në Gjykatën e Lartë të Los Anxhelosit, Asta Jonasson pretendon se aktori e përplasi për muri dhe kreu veprime të pahijshme para saj. Ish-asistentja pretendon se motra e aktorit, presidente e One Race Productions në atë kohë, e thirri disa orë pas sulmit të supozuar dhe njoftoi shkarkimin e saj.
