jë incident i pazakontë ka ndodhur gjatë një koncerti të fundit të reperit të njohur Stresi, në një prej diskotekave më të frekuentuara të vendit, ku ai ishte i ftuar special për të performuar përpara dhjetëra fansave të tij.
Ngjarja, e cila është bërë virale në rrjetet sociale, është dokumentuar në një video në TikTok që tregon momentin kur koncerti ndërpritet papritur pas një përplasjeje verbale mes Stresit dhe një individi nga publiku.
Në pamjet e shpërndara gjerësisht, shihet se ndërsa atmosfera ishte e zjarrtë dhe publiku po shijonte performancën, një person nga turma i afrohet dhe i drejtohet reperit me disa fjalë që shkaktuan reagimin e tij.
Stresi ndali muzikën dhe iu përgjigj menjëherë personit në fjalë me tone të ashpra. Situata u menaxhua shpejt nga ekipi i sigurisë, i cili ndërhyri dhe e largoi individin nga skena dhe zona e publikut, duke shmangur përshkallëzimin e incidentit.
Momenti ka shkaktuar debat dhe komente të shumta në rrjet, ndërsa vetë reperi nuk ka reaguar ende publikisht mbi ngjarjen.
